ابني جاحد

ابني جاحد

--------------------------------------------------------------------------------




ابني وضنايا وروح عنيه

وفرحة عمري وكل اللي ليه

بشوفك فرحان أنسى الاسية

وانسى تعبي وكل اللي فيه

وكل ما بتكبر بكبر معاك

واتمنى أعيش العمر معاك

وأول ما أجوزت بعدت عني

قلت يارب اشوفك متهني

بس غيابك طال عليه

وسيبني عايشة لوحديه

مسجونة بين أربع جدران

تايهة ومفيش أمان

مفيش سؤال ولا كلام

ولا زيارة ولا يوم اهتمام

ولا سؤال ولو بالتليفون

كنت زمان ابن حنون

مين غيرك؟!

وغيرك ليه !!!!!

مين بدلك ؟!

بين يوم وليل !!!!!

دلوقتي مراتك أهم مني

ولا تيجي في يوم تسأل عني

واخرتها بعد شهربن

جي تطل حبتين

وهمه كلمتين

ازيك عاملة ايه

وتسبني بدمعي على الخدين

ولا حتى كلمتين حلوين

لا تسأل عني وعن طلباتي

لا تسمع أنيني وآهاتي

ولا تعرف معتى الاحتياج

ومين بيديني العلاج

ياما حرمت نفسي من متع الدنيا

علشان تتهنى كل ثانية

كانت طلباتك تنجاب

ورغباتك أوامر يا أغلى الأحباب

حرمت نفسي من السعادة

وده جزائي بزيادة

واخرتها بعد سنتين

ترميني في دار مسنين

ومن ساعتها مشفتكش

ولو شفتك معرفكش

يا ابن بطني ليه القساوة

ليه كل ده ليه الغباوة

ده الجنة تحت أقدام الأمهات

وأنت غارق في البعاد

على العموم

ومن غير دموع

كتبت وصيتي

بريشة دمعتي

اكتبوا على قبري

ماتت خارج الحدود

والسبب ابن جحود