زواج على ورق

موضوع: زواج على ورق الخميس ديسمبر 02, 2010 6:07 pm

فتاة في مقتبل العمر , ذات طموح عالي , مجتهده في دراستها الجامعية رغبة في اكمال مسيرة الاهداف التي تصبوا لتحقيقها .. وذات يوم دار بينها وبين ابيها الحوار التالي ..

هي : يبه
الأب : سمي يابنتي
هي : شسمه بسالك سؤال
الأب : تفضلي ياروح ابوك
هي : وش الافضل بالنسبه لك اذا تخرجت اتوظف ولا اكمل ماستر ؟
الأب بدون تفكير : اكيد طبعا تكملين ماستر
هي : تيب وش رايك يبه لو جتني بعثة لامريكا , تخليني اروح ؟
الأب : ايه ليه لا
هي باستغراب شديد من الاوبن مايند اللي عند ابوها : جد والله ماعندك مانع ؟
الأب : ايه اكيد
هي : طيب من يروح معي
الأب : موب مشكله يحلها حلال ذاك الوقت
هي : يعني ممكن لو جتني بعثه توديني وترجع ؟
الأب : ايه ممكن وليه اوقف بوجه مستقبلتس !

وانتهى الحوار ولم تنتهي معه طموحاتها واحلامها بل تضاعفت اكثر واكثر ولا سيما انه لم يتبقى لها سوى سنه واحده فقط للتخرج من جامعتها وبمعدل مرتفع .
مضت السنة بسرعة وببطء في آن واحد , بطيئه بتعبها وبسهرها ومثابرتها وبمجرد ان يمر شريط مستقبلها في ذاكرتها يتلاشى التعب وتمضي الايام سريعا .
كانت نتائجها كما هو متوقع بل واكثر .. سارعت بالالتحاق بالبعثه التي طالما حلمت بها , قدمت البيانات المطلوبه وكل ماعليها هو الانتظار .. الانتظار ولاشي غير الانتظار .. !!
نعم كانت متوقعه قبولها , فهي مستوفيه جميع الشروط المطلوبه ولكن مازالت تنتظر بخوف وقلق .. وكان الانتظار لمده ايام اطول من سنة بكاملها بالنسبة لها ..

انتظار ..
انتظـــــار ..
انتظـــــــــــــــار ..
ترن ترن
سارعت بفتح الرسالة التي وصلتها وما ان قرأتها حتى كادت تطير من الفرح .. نعم نعم لقد تحقق حلمي .. اللهم لك الحمد اللهم لك الحمد ..

انتظرت بفارغ الصبر عودة ابيها حتى تزف اليه الخبر بل وتنتظر بشاره ايضا ..
وما ان سمعت صوت سيارة ابيها حتى استعدت لدخوله ..

هي : هلا يبه وراك تاخرت ؟
الاب : مشاغل وانا ابوتس
تقبل راس ابيها وتقول : يبه عندي لك موضوع
الاب : اصبري خليني اروق واتعشى وبعدين كلي لتس
هي : اوكي
...........................
الاب بعد فتره : هاه امري وش عندتس ياقلب ابوتس ؟
هي : قول مبروك
الاب : مبروك .. بس ليه بتعرسين من وراي ؟
هي : هههه ابشرك يبه
الاب : الله يبشرتس بالجنه بشريني ؟
هي : انقبببببببببببببببببببببلت بالبعثه ,, بروح امريكـــــــــــــــــــــــــا
الاب مع ابتسامه خفيفه : حسبت عندتس سالفه روعتيني
هي : .....
الاب : .....
حاولت تكذب مايدور داخل عقلها الساذج وقالت : هاه يبه متى نبدا بالاجراءات
الاب : اقول يابنتي اذكري الله بس وخلي طموحاتتس في حدود المعقول !!
هي والدموع تملأ عينيها : بس يبه انت وعدتني ولا نسيت ؟
الاب : لو معتس رجلن يروح معتس صح لكن بنات يروحون لحالهم ما عندي !!
هي : .................................................. ...........................................

بعد مرور يومين ..

هل أتخلى عن أحلامي وطموحاتي بـهالسهولة ؟
معقولة اسمح أن تعبي طول الفترة اللي راحت يضيع بين يوم وليلة
مستحيل .. لا وألف لا إذا تقفل الباب هذا أكيد راح ألاقي أبواب كثيرة مفتوحة
بس أنا لازم ألاقي حل وبأسرع وقت قبل ماتضيع علي الفرصة ألسنه هذي ..
ياربي ايش أسوي .. وايش الحل !!

الله يهديك يايبه شايف الرجل بشنطتي متى مابغيت طلعته !!

لحظه لحظه ؟؟

ايه بشنطتي !! وليه لا !!
مادام هذي الطريقة الوحيدة اللي راح تقنع أبوي ليه ما استغلها عشان ما يلاقي أي عذر لسفري ؟؟

فكرت وفكرت ..

بس لقيتها !!
زوج ع الورق ايييييه ع الورق ؟؟
أكثر ما حط الله الشباب العاطلين اللي مالهم هدف بالحياة وأنا بعرضي هذا راح أقدم له فوق ما يتصور أو يحلم ؟
فتحت جهازها .. إنشاء موضوع جديد .. بسم الله

<BLOCKQUOTE>
مطلوب وعاجل جداً زوج على الورق فقط .. وبمهر شكلي أيضا وبالمقابل ستتاح له الفرصة للدراسة بالخارج و سيتم تحمل تكاليف معيشته ودراسته بالمجــــــــــــان !!
الرجاء على كل من يريد التقدم إرسال سيرته الذاتية مرفقه بصورته الشخصية ..</BLOCKQUOTE>

لحظه شوي ؟ وش أبي بصورته , هو بالنهاية زواج شكلي ؟
لا لا المظهر مهم وهذا أنا قلتها زواج شكلي قدام الناس يعني لازم يكون مقبول نوعا ما موب آخذه يسد نفسي ؟؟

اوكي اوكي كذا حلو

إرســـــال ..

/
\
/

مثال بسيط واقعي يقف كـ الجدار الحائل بين تحويل الحلم الى الواقع

موضوع: رد: زواج على ورق السبت مارس 12, 2011 7:26 am

هههههههههههههههههه،،، ررروووووعه وما لقت الا تتزووج بالطريقه ههههههههههههه

صفحة 1 من اصل 1